"İranla nüvə razılaşması Fars körfəzi ölkələrinin maraqlarını nəzər alır".

Axar.az xəbər verir ki, bu sözləri ABŞ Dövlət katibi Con Kerri Səudiyyə Ərəbistanı Kralı Salmanla görüşü zamanı bildirib.

Kerri İranı ittiham da edib:

"İranla nüvə danışıqları aparırıq. Biz onun Suriyada stabilliyi pozan fəaliyyətini izləyirik. Xüsusilə Livan, İraq, Ərəb yarımadası və Yəməndə. ABŞ İranla tammiqyaslı əməkdaşlıq barədə razılaşma əldə etməyi planlaşdırmır".

Kral Salman da İranın İraqa yiyələndiyini, Tehranın Bağdadın daxili işlərinə qarışdığını vurğulayıb.

"2013-cü ildə Vaşinqton, Moskva, Pekin, Berlin, Paris və London Tehranla müvəqqəti razılaşma imzaladı. Nüvə proqramı ilə bağlı İrana tətbiq edilmiş sanksiyalar yumşaldılmışdı", - Kerri qeyd edib.