"Ukrayna hərbçiləri Debaltsevoda texniki cəhətdən pis vəziyyətdə olduğuna görə çoxlu silah anbarlarını qoyub getdilər".

Axar.az xəbər verir ki, bunu ukraynalı deputat Sergey Paşinski söyləyib.

Onun sözlərinə görə, Ukraynada silah yetərincədir, lakin qənaətlə işlətmək lazımdır:

"Bizim zavodlarımız effektiv silah istehsal etmirlər. Lakin həmin silahları döyüş formasına gətirib orduya ötürmək olar. Biz komitədə qərara almışıq ki, hər bir deputat belə zavodlara baş çəksin. Həmin zavodlarda tempin aşağı olma səbəblərini aşkarlayacaqlar. Həqiqətən də belə zavodlarda temp çox aşağıdır. Onların bəzilərinin obyektiv, bəzilərinin isə subyektiv səbəbləri var".