Neftin qiymətinin enməsindən dolayı “Saudi Aramko” şirkəti kapitalın artırılması üçün səhmlərini satmaq imkanlarını dəyərləndirir.

Axar.az xəbər verir ki, bu barədə “Blumberq” məlumat yayıb.

Bildirilib ki, şirkət mümkün müqavilə ilə bağlı artıq potensial tərəflərlə danışıqlar aparıb, lakin hələ ki, proses ilkin mərhələdədir. Şirkətin fikrindən daşınacağı, yəni danışıqlardan imtina edəcəyi də istisna edilmir.

Səhm satışından əldə olunan gəlirin 10 milyard dollar olacağı təxmin edilir.

Qeyd edək ki, Rusiya və Səudiyyə Ərəbistanı mart ayından sonra neftin hasilatının azaldılması ilə bağlı razılığa gələ bilmədiyindən qara qızılın qiymətində kəskin enmə müşahidə edilir.