“Habbl” orbit teleskopu yaxın qalaktikaların birində Günəşdən 50 min dəfə böyük olan qeyri-adi qara dəlik aşkar edib.

Axar.az xəbər verir ki, bu barədə “Astrophysical Journal Letters” jurnalı məlumat yayıb.

“Biz aralıq kütləli qara dəlikləri çoxdan tapmaq istəyirdik. Bu tapşırığı da biz “Habbl”ın köməyi ilə həll etdik”, - Nyu-Hempşir Universitetinin astronomu Daçen Lin bildirib.

Qeyd edək ki, hazırda alimlər öz kütləsinə görə bir-birindən radikal şəkildə fərqlənən iki kateqoriyalı qara dəlikləri öyrənirlər. Böyük qara dəliklər qalaktikaların mərkəzində yerləşir və və bizim Günəşimizdən milyon, hətta milyard dəfə iridirlər.