Ana səhifə Planet |
İtaliya Avropa Birliyinə koronavirusla mübarizəyə görə dəfələrlə müraciət edib, lakin müsbət cavab gəlməyib. Bu səbəbdən ölkədə AB bayraqlarının endirilməsi quruma ciddi bir mesajdır.
Bu sözləri Axar.az-a açıqlamasında politoloq Vüqar Zifəroğlu İtaliyada Avropa Birliyinə etiraz olaraq təşkilatın bayraqlarının endirilməsini şərh edərkən deyib. O bildirib ki, koronavirus pandemiyası ölkələrarası münasibətlərə ciddi təsir edir:
“İngiltərənin AB-dən çıxması ittifaqdaxili parçalanmanın davam edəcəyinin xəbərçisi idi. İttifaq ölkələrinin maraqlarının üst-üstə düşməməsi uzun müddətdir ki, müşahidə olunur. Bununla yanaşı koronavirus pandemiyası da bu gün ən çox Avropa Birliyi ölkələrində hiss edilir. Xüsusilə İtaliya pandemiyanın fəsadlarının ən ağır yaşandığı ölkədir. Faktiki olaraq İtaliya virusla mübarizədə acizdir. Bu səbəbdən dəfələrlə AB-dən yardım tələb edib, lakin nəticəsiz qalıb".
Politoloq İtaliyanın İngiltərə kimi AB-dən çıxacağını düşünmədiyini deyib:
“Lakin bunun olacağını da istisna etmək olmaz. İtaliyanın ölkə ərazisində Avropa Birliyinin bayraqlarını endirməsi bunun bariz nümunəsidir. İtaliya təşkilatdan lazımi dəstək ala bilməyəcəksə, çətin anında tək qalacaqsa, AB olmadan da yoluna davam edə bilər”.
Tarix
2020.04.02 / 15:33
|
Müəllif
Turan Rzayev
|