Rusiya və ABŞ prezidentləri son telefon danışığı zamanı dünya bazarında neftin qiymətini müzakirə ediblər.

Axar.az xəbər verir ki, bunu Kreml sözçüsü Dmitri Peskov deyib.

O qeyd edib ki, hər iki lider neftin dünya bazarındakı qiymətindən məmnun deyil: “Bu mövzuda beynəlxalq səviyyədə təmaslar davam etdirilir”.

D.Peskov eyni zamanda qeyd edib ki, Vladimir Putinin proqramında Səudiyyə Ərəbistanı rəhbərliyi ilə görüş yoxdur:

“Neft İxrac Edən Ölkələr Birliyi (OPEK) ilə sona çatan neft hasilatının azaldılmasına dair razılaşmanın əvəzinə yeni bir saziş gündəmdə deyil”.

Qeyd edək ki, ötən gün ABŞ Prezidenti Tramp Rusiya və Ərəbistan liderləri ilə birgə üçlü görüşü istisna etməmiş və neft qiymətlərinin qaldırılması ilə bağlı müzakirə aparacaqlarını vurğulamışdı.