Ana səhifə Planet |
Rusiya və Səudiyyəyə edilən təklif kapitulyasiya aktıdır. Məsələ bu aktın məzmununu anlamaqdır.
Axar.az xəbər verir ki, bu sözləri öz Feysbuk səhifəsində rusiyalı hərbi ekspert Anatoli Nesmiyan (El Mürid) paylaşıb.
Onun sözlərinə görə, Trampın təklif etdiyi 10 milyon barrel ixstisar belə bazardakı tələb-təklif disbalansını yenə də saxlayır:
“Artıq aydındır ki, bu il və bəlkə də daha çox müddətdə dünya bazarı sutkalıq 100 milyon barrel neftə tələbatını bərpa edə bilməyəcək. Çin öz iqtisadiyyatının təxminən 10%-12%-ni itirib. Avropa da öz iqtisadiyyatını bərpa etməyə gecikir və o da özünün böhrandan əvvəlki iqtisadiyyatının 90%-ni bərpa edə biləcək. Ona görə də Trampın dediyi məhdudiyyətlər hələ uzun müddət qalacaq. Neft qiyməti də buna uyğun olaraq yüksəlməyəcək. Ola bilsin ki, “Brent” 40 dollara yüksəlsin, bu da 13-16 dollardan çox yaxşıdır. Bununla belə indiki qiymətlər idxalçı ölkələrin öz iqtisadiyyatlarını dəstəkləməsi üçün kifayət qədər yaxşıdır. Onlar yüksək qiymətdə maraqlı deyillər. Görünən odur ki, Tramp bazarı yeni səviyyədə balanslaşdıraraq, iki problemini həll edir: Bir tərəfdən daha yüksək qiymətlərlə neft sənayesini dəstəkləyir, digər tərəfdən ABŞ iqtisadiyyatının digər sahələri üçün neft qiymətini daha komfortlu səviyyədə saxlayır”.
Tarix
2020.04.03 / 16:49
|
Müəllif
İlkin Həsənov
|