Yeni Zelandiyanın Səhiyyə naziri Devid Klark koronavirusun yayılması ilə bağlı elan edilən karantin rejimini pozub.

Axar.az xəbər verir ki, nazir əməlinə görə ictimaiyyətdən üzr istəyib.

D.Klark dağ velosipedi sürmək üçün Dunedindəki evindən 2 kilometr uzaqlıqdakı parka getdiyi vaxt bölgədən keçən vətəndaş onu tanıyıb.

Vətəndaş daha sonra nazirin fotosunun olduğu avtomobilin şəkilini çəkərək yerli mətbuata ötürüb.

KİV-də yayılan məlumatı təsdiqləyən nazir karantin rejimini pozduğunu etiraf edib və ictimaiyyətdən üzr istəyib.

Qeyd edək ki, Yeni Zelandiyada virusa yoluxanların sayı 863 nəfərə çatıb, 103 nəfər sağalıb, 1 nəfər isə həyatını itirib.