Koronavirus pandemiyası 2008-ci il qlobal maliyyə böhranından daha pis iqtisadi böhrana gətirib çıxardı.

Axar.az xəbər verir ki, bu sözləri Beynəlxalq Valyuta Fondunun (BVF) rəhbəri Kristalina Georgiyeva deyib.

O bildirib ki, indiyə kimi 90 ölkə fonddan yardım istəyib və BVF 1 trilyon dollarlıq vəsaiti bu yolda istifadə etməyə hazırdır.

Georgiyeva əlavə edib ki, koronavirusa qarşı ən müdafiəsiz ölkələr iqtisadiyyatı inkişaf etməkdə olan və inkişaf etmiş ölkələrdir:

“Təcili maliyyə tələbi məsələsində indiyə kimi belə bir halla qarşılaşmamışıq. BVF-nin tarixində heç vaxt dünya iqtisadiyyatının bu şəkildə dayanma nöqtəsinə gəldiyinin şahidi olmadıq”.