Çinin Honkonq xüsusi inzibati bölgəsində çevik polis dəstəsinin 130 əməkdaşı yeni növ koronavirus (COVİD-19) infeksiyası ilə əlaqədar karantinə cəlb olunub.

Axar.az xəbər verir ki, inzibati bölgənin Qərbi Koulun rayonunun polis idarəsi həmin bölmədən olan 2 polisin COVİD-19-a yoluxması təsdiqlənəndən sonra belə bir qərarın qəbul olunduğunu açıqlayıb.

Bundan başqa, naryaddan uzaqlaşdırılan həmin çevik polis bölməsinin bütün əməkdaşlarının COVİD-19 testindən keçməsi əmr olunub.

Qeyd edək ki, son məlumata əsasən, Honkonqda koronavirusa yoluxanların sayı 862 nəfərə çatıb. Ölənlərin sayı isə 4-dür.