Rusiyanın Su-35 qırıcıları ilə bağlı yeni testlər həyata keçirilib.

Axar.az xəbər verir ki, Su-35 qırıcıları ilə R-37M hipersəs “hava-hava” raketlərinin uyğunluğunu təsdiqləmək üçün uçuş sınaqları başladılıb.

Orta mənzilli R-77 seriyasından olan “hava-hava” raketinin 200 kilometr mənzilə sahib R-37M hipersəs raketləri ilə dəyişdirilməsi planlaşdırılır.

Qeyd edək ki, bir müddət öncə Rusiya Hərbi və Texniki Əməkdaşlıq Federal Xidmətinin rəhbəri Dmitri Şuqayev Türkiyə ilə Su-35-lər mövzusunda danışıqların davam etdiyini açıqlamışdı.