Koronavirusdan ölənlərin arasında yaşı 60-dan az olanların sayı olduqca çoxdur.

Axar.az xəbər verir ki, bu barədə Türkiyə mətbuatı məlumat yayıb.

Bildirilib ki, Türkiyədə 60 yaşdan aşağı ölüm nisbəti Avropadan 4, dünyadan isə 9 dəfə çoxdur.

Türkiyənin Səhiyyə naziri Fəxrəddin Qoca bir neçə gün əvvəl verdiyi açıqlamasında 3 aprelə qədər ölən 425 nəfərin 78.7 faizinin yaşının 60-dan çox olduğunu açıqlamışdı. Qalan 21.3 faiz ölüm isə 60 yaşdan az olanlara aiddir. Bu isə həm Avropa, həm də dünya səviyyəsində olduqca böyük rəqəmdir.

Ümumdünya Səhiyyə Təşkilatı (ÜST) aprelin 2-də verdiyi açıqlamasında dünyada koronavirusdan ölənlərin 95 faizinin yaşının 60-dan çox olduğunu bildirmişdi.