Koronavirus pandemiyasından görünməmiş itkilər şəraitində Avropa Birliyinin büdcəsi nəhəng investisiyalara ehtiyac duyur.

Axar.az Musavat.com-a istinadən bildirir ki, bunu Avropa Komissiyasının rəhbəri Ursula fon der Leyen "Velt am Sonntag" qəzetində dərc olunan məqaləsində bildirib.

Leyenin yazdığına görə, indi ortamüddətli dövrdə yaranmış böhrandan çıxmağa imkan verəcək tədbirlər həyata keçirilməlidir:

"Bunun üçün bizə irihəcmli investisiyalar lazımdır - bir növ "İkinci Marşall Planı" kimi. Birliyin möhkəm büdcəsi mərkəzi əhəmiyyət kəsb etməlidir. Bu gün milyardlarla investisiya qoymaq lazımdır ki, gələcəkdə böyük fəlakətdən qaçmaq mümkün olsun".

Qeyd edək ki, Marşall Planı İkinci Dünya müharibəsindən sonra ABŞ-ın Avropanın bərpası üçün həyata keçirdiyi genişmiqyaslı proqramın adıdır.