Avropa Birliyini koronavirusdan sonra süqut gözləyir.

Axar.az xəbər verir ki, bu sözlər Almaniyanın keçmiş xarici işlər nazirləri Yoşka Fişer və Ziqmar Qabriyelin “Taqesşpigel” qəzetində dərc olunan məqaləsində yer alıb.

Siyasətçilərin fikrincə, koronavirusla mübarizədə İtaliya və İspaniya lazımi qədər dəstəklənmir:

“Avropa həmrəyliyi Almaniyaya II Dünya müharibəsindən sonra iqtisadi uğur qazanmağa kömək edib. Ona görə də Almaniya gərək Fransa ilə birgə Avropaya liderliyini göstərməyə hazır olsun. Avropaya iki şey lazımdır: böhranda ümumi yardım və böhrandan sonra ümumi bərpa proqramı. Koronavirus iki əksistiqamətli prosesi sürətləndirmək potensialına sahibdir: Avropada çatları dərinləşdirə və ittifaqı süqut etdirə də bilər, Avropa Birliyi üzvlərini virusla mübarizədə birləşdirə də. Avropanın hansı yolu seçəcəyi, bizdən – almanlardan asılıdır. Bizim çox vaxtımız yoxdur”.