Aprel müraribəsi ilə bağlı istintaq komissiyası çoxsaylı insanları sorğu-sual edib və onlar 2016-cı ildə Baş Qərargah rəisi olan Yuri Xaçaturovu dinləmək istəyirlər.

Axar.az xəbər verir ki, bu sözləri Ermənistan Baş naziri Nikol Paşinyan Feysbuk üzərindən etdiyi canlı yayımda deyib. O bildirib ki, Serj Sərkisyanın da istintaqa dəvət edildiyindən məlumatlıdır:

“Düşünürəm ki, Xaçaturov və Sərkisyan komissiyaya gələndə, bu, istintaqın kulminasiyası olacaq. Deyim ki, istintaq 25 min səhifəlik sənədi araşdırıb, böyük iş aparıb. İstintaqın müddəti iyuna qədər uzadılıb və hesab edirəm ki, həmin tarixdə istintaq yekunlaşacaq”.

Qeyd edək ki, Paşinyan Aprel müharibəsindən rəqiblərini sıradan çıxarmaq üçün istifadə edir. O, KTMT baş katibi olan Xaçaturovu həbs edirsə də, Rusiyanın təzyiqi ilə azadlığa buraxmağa məcbur oldu. Xaçaturov KTMT baş katibi vəzifəsindən azad edildi və Rusiyaya sığındı.

Ermənistan isə KTMT baş katib vəzifəsini vaxtından tez itirməyə məcbur oldu.