Ermənistan iqtisadiyyatı böhran vəziyyətindədir. Əksər sektorlar iflic olub və hələ də koronavirusdan sonrakı dönəmdə fəaliyyətin necə bərpa olunacağı aktual sualdır.

Axar.az xəbər verir ki, bunu erməni ekspert Akop Köçəryan deyib. Onun sözlərinə görə, yüzlərlə insanın iş yerini itirmək problemi hələ də var:

“Bu situasiyadan çıxmaq üçün investisiyaların rolu həddən artıq böyük olacaq. Təəssüf ki, hakimiyyət hər zaman investisiyaların rolunu dərk etmir. Bəzən investisiyalar yalnız siyasi məqsədlərə tabe olur. Son iki ilin təcrübəsi göstərir ki, investorlar Ermənistana öz iqtisadi vasitələrini etibar etməyə hazır deyillər. Ermənistanın investisiya mühiti bir gündə dağıldı”.