Avropa Birliyi (AB) ölkələri İtaliyaya yeni tip koronavirusla mübarizə üçün ilk əvvəllər kifayət qədər dəstək verə bilmədi.

Axar.az xəbər verir ki, bunu Avropa Birliyinin (AB) Böhran Vəziyyətləri üzrə komissarı Janz Lenerçiç mətbuat konfransında deyib.

O bildirib ki, AB tərəfindən Rumıniya və Norveçdən həm tibb bacıları, həm də həkimlər İtaliyaya göndərilib:

“Tibb işçiləri pandemiyadan ən çox ziyan görən Milan və Berqamoda fəaliyyət göstərəcəklər. AB ölkələri ilk əvvəl İtaliyanın koronavirusla mübarizə üçün müraciətinə kifayət qədər dəstək verməyib. İndi isə demək istəyirəm ki, İtaliya yalnız deyil”.