Gürcüstanın “Mtavari Arxi” televiziya şirkətinin jurnalisti Georgi Qabuniya erməniləri təhqir edib.

Axar.az “Vzqlyad” qəzetinə istinadən xəbər verir ki, o, gürcülərin genetik kodunun koronavirusa qarşı daha dayanıqlı olduğunu açıqlayıb və qeyd edib ki, bu barədə erməni alimlərin fikirlərini eşitmək istərdi.

“Bizim qonşumuzun hansı genetik qrupa aid olduğu məni çox maraqlandırır. Əminəm ki, onların DNK-sı bizlərdən daha güclü olacaq və birbaşa koronavirusu məhv edəcək. Bunun üçün onlara nə vaksin, nə də dərman lazım olacaq”, - deyə tanınmış aparıcı erməniləri ələ salıb.

Xatırladaq ki, 2019-cu ilin iyulunda Gürcüstanın “Rustavi 2” kanalının aparıcısı olan Georgi Qabuniya Rusiya rəhbərliyinə qarşı səsləndirdiyi senzurasız fikirlərlə məşhurlaşıb.