Boris Nemtsovun qətlində şübhəli bilinən şəxs özünü partlatdıb.

Trend-in məlumatın görə, bu barədə "İnterfaks" agentliyi hüquq-mühafizə orqanlarında mənbəyə istinadən xəbər verib.

Məlumata əsasən, cinayətkar polis tərəfindən mühasirəyə alınıb. Əlində olan iki qumbaradan birini cinyətkar polis əməkdaşlarına atıb, digəri ilə özünü partladıb.

Qeyd edək ki, artıq qətldə şübhəli bilinən 2 nəfər saxlanılıb.

Rusiya Federal Təhlükəsizlik Xidmətinin rəhbəri Aleksandr Bortnikovun sözlərinə görə, saxlanılanlar Zaur Dadayev və Anzor Qubaşevdir.

Moskvanın Basmannı məhkəməsinin həmin şəxslərin həbs edilməsi barədə işə bu gün baxacağı gözlənilir.

Xatırladaq ki, müxalif siyasətçi B.Nemtsov fevralın 27-də gecə saatlarında Moskvanın mərkəzində qətlə yetirilib.