Yeni tip koronavirusa görə həyatın normal axarına qayıtması 2021-ci ilin payızına qədər uzana bilər.

Axar.az xəbər verir ki, bunu “Maykrosoft” korporasiyasının yaradıcısı Bill Qeyts deyib.

O bildirib ki, pandemiyaya qarşı peyvəndin hazırlanması ən az 1 il çəkəcək:

“Vaksin tapılmasa, həyat normala dönməyəcək. Əsasən də kütləvi tədbirlərin keçirilməsi mümkün olmayacaq”.

B.Qeyts vurğulayıb ki, pandemiyadan sonra həyatın necə olacağını anlamaq üçün Çin çox yaxşı nümunədir:

“Çində insanlar işə qayıtmağa başlasa da, tibbi maska taxmaq məcburiyyətində qalıblar. Küçədəki insanların bədən temperaturu daim nəzarətdədir”.