COVID-19 pandemiyasının Gürcüstan iqtisadiyyatına mənfi təsiri danılmazdır. Ölkəmizdə iqtisadi artım tempinin əhəmiyyətli dərəcədə azalacağı gözlənilir.

Axar.az xəbər verir ki, bu sözləri Gürcüstanın Baş naziri Giorgi Qaxariya deyib. Onun sözlərinə görə, Gürcüstan hökuməti bu gün iki cəbhədə mübarizə aparır. Bunlardan biri əhalinin sağlamlığının qorunması, digəri isə ölkənin iqtisadi inkişafıdır.

“İqtisadi artımın ciddi azalacağını gözləyirik və buna görə də büdcəyə dəyişikliklər ediləcək”, - deyə o vurğulayıb.

Qeyd edək ki, Dünya Bankı da COVID-19 pandemiyası səbəbindən Gürcüstanda iqtisadi artımın kəskin azalacağını proqnozlaşdırıb.