Çin Ümumdünya Səhiyyə Təşkilatının (ÜST) işini tam dəstəkləməyə davam edəcək.

Axar.az xəbər verir ki, Çin Xarici İşlər Nazirliyinin rəsmisi Cao Licien təşkilatın ABŞ tərəfindən ittiham olunması fonunda ÜST-nin fəaliyyətini müdafiə edib.

“COVID-19 infeksiyası yayılmağa başlayandan ÜST Baş direktor Tedros Qebreyesusun rəhbərliyi ilə öz vəzifələrini fəal şəkildə yerinə yetirir, obyektiv, elmi və qərəzsiz mövqe nümayiş etdirir. Qurum ölkələrə pandemiyaya reaksiya verməkdə və ona qarşı beynəlxalq əməkdaşlığın təşviqinə yardım göstərməkdə mühüm rol oynayır. Bu, beynəlxalq ictimaiyyət tərəfindən yüksək qiymət alıb”, - deyə Çin rəsmisi bəyan edib.

Qeyd edək ki, Tramp ÜST-ü Çinə işləməkdə ittiham etmişdi.