OPEK+ ölkələri yeni razılaşma əldə edib.

Axar.az xəbər verir ki, bu barədə Rusiyanın Energetika naziri Aleksandr Novak danışıb.

O bildirib ki, yeni razılaşma iki il – 1 may 2022-ci ilə qədər qüvvədə olacaq.

Novakın sözlərinə görə, 1 maydan başlayaraq, iki ay ərzində OPEK+ ölkələri hasilatı gündəlik 10 milyon barrel azaldacaq. İlin ikinci yarısında 8 milyon barrel, 2021-ci ildə isə hasilat daha 6 milyon barrel azalacaq.

Novak qeyd edib ki, OPEK+ ölkələri bazarı izləmək barədə də razılığa gəliblər. Hər hansı dəyişiklik olarsa, əlavə tədbirlər görüləcək.