Türkiyə Daxili İşlər naziri Süleyman Soylunun istefa qərarı açıqlamasına səbəb olduğu bildirilən sosial şəbəkə hesabları hazırda Səhiyyə naziri Fəxrəddin Qocaya qarşı ciddi təzyiqlərə başlayıb.

Axar.az xəbər verir ki, bu sözləri türkiyəli tanınmış jurnalist Cüneyd Özdəmir canlı yayımda bildirib.

O qeyd edib ki, S.Soyludan fərqli olaraq, F.Qoca duyğusal davranmasa da, sosial şəbəkələrdə başlayan bu təzyiqdən narahat olduğunu deyib.

C.Özdəmir hazırda Türkiyənin koronavirusa qarşı mücadilə apardığı bir vaxtda iki əsas dövlət strukturuna - DİN və Səhiyyə Nazirliyinə hücumu təsadüfi saymayıb:

"Sanki bütün bunlar bir mərkəzdən idarə olunur. Hansı mərkəzdən?.."