Əgər dövlətlər yayda pandemiyanın öhdəsindən gələ bilməsələr, noyabrda COVİD-19-a yoluxmanın yeni dalğası başlaya bilər.

Axar.az xəbər verir ki, bunu Çinin “Huaşan” xəstəxanasının infeksiya bölməsinin rəhbəri Çjan Venhun deyib.

Onun sözlərinə görə, dövlətlərin yayda koronavirusun öhdəsindən tam gələcəyi inandırıcı deyil:

“Qış gəldikdən sonra hər kəs yenidən evində oturacaq. COVİD-19-un ikinci dalğası daha məhdud olacaq. Bununla belə Afrika və Cənubi Amerika ölkələri növbəti qışı çox çətin keçirəcəklər”.