Dünyada koronavirusa yoluxanların sayı 2 milyon 69 min 280 nəfərə çatıb.

Axar.az xəbər verir ki, ən son məlumata görə, yoluxanlardan 133.362 nəfər ölüb, 508.828 nəfər sağalıb.

Ən çox yoluxma ABŞ-dadır - 637.196 nəfər. Daha sonra İspaniya (177.633), İtaliya (165.155), Fransa (147.863), Almaniya (133.456) və Böyük Britaniyadadır (98.476).

Son sutkada ən çox ölüm ABŞ (1.819) və Fransada (1.438) qeydə alınıb.

Ümumilikdə ABŞ-da 27.866, İtaliyada 21.645, İspaniyada 18.579, Fransada 17.167, Böyük Britaniyada 12.868 nəfər bu virusdan dünyasını dəyişib.