İngiltərə mətbuatı "Nyukasl Yunayted" futbol komandasının səhmlərini satın alması ehtimal olunan Səudiyyə Ərəbistanı vəliəhdi Məhəmməd bin Salmanla "Mançester Siti"nin sahibi Şeyx Mənsuru müqayisə edib.

Axar.az xəbər verir ki, "San" qəzeti iki ayrı ölkəni təmsil edən Salmanla Mənsurun bir növ "II Körfəz müharibəsi"nin taleyini həll edəcəyini bildirib.

Daha öncə "Mançester Yunayted"in sahibi olmaq istəyən, ancaq buna nail ola bilməyən Salmanın "Nyukasl"ı almağa yaxın olduğu vurğulanıb.

İngiltərə mediası hər iki şəxsin köklü ailələri təmsil etdiyindən və dünya siyasətində də aparıcı rola malik olduğundan yazıb.