Rusiya Prezidenti Vladimir Putin və Çin rəhbəri Si Szinpin koronavirus pandemiyası ilə mübarizə prosesini müzakirə edib.

Axar.az xəbər verir ki, bu barədə Kremlin məlumatında deyilib.

Pandemiya ilə bağlı geniş fikir mübadiləsi aparan liderlər bu qlobal böhranla mübarizəyə göstərilən qarşılıqlı dəstəyin Çin-Rusiya strateji ortaqlığının sübutu olduğunu vurğulayıblar.

Putin və Szinpin ekspert mübadiləsi, tibbi heyət, dərman və mühafizə texnikalarının idxalı çərçivəsində bu sahədə əməkdaşlığı gücləndirmək barədə razılığa gəliblər.