Gürcüstan Prezidenti Salome Zurabişvili ilə Türkiyə Prezidenti Rəcəb Tayyib Ərdoğan arasında telefon danışığı baş tutub.

Axar.az xəbər verir ki, bu barədə Gürcüstan Prezidenti Administrasiyası məlumat yayıb.

Gürcüstan tərəfinin təşəbbüsü ilə baş tutan danışıq zamanı koronavirusun yaratdığı problemlər, bununla əlaqədar son vəziyyət diqqət mərkəzində olub.

Salome Zurabişvili Gürcüstan vətəndaşlarının vətənə qayıtmalarına göstərilən dəstəyə görə Türkiyə Prezidentinə minnətdarlıq edib.

Söhbət zamanı böhran və böhrandan sonrakı vəziyyətdə ticarət, nəqliyyat dəhlizləri, həmçinin nəqliyyat şəbəkəsi və Bakı-Tiflis-Qars dəmir yolu xəttinin böyük əhəmiyyət kəsb etdiyi vurğulanıb.