"Ən az 10 il müddətində Böyük Britaniyaya gizli şəkildə təxminən 100 milyard funt sterlinq dəyərində kapital köçürülüb".

Axar.az xəbər verir ki, bu barədə məlumatı İngiltərənin "Tayms" qəzeti yayıb.

Əldə edilən məlumata görə, bəzi pullar tamamilə qanuni yolla köçürülür. Lakin bəzi hallarda pulların yuyulması ilə bağlı qeyri-qanuni əməliyyatlar həyata keçirilir.

Qəzetin yazdığına görə, göstərilən vəsaitin əksəriyyəti Rusiya investorları tərəfindən yuyulmuş pullardır:

"Son illərdə Böyük Britaniyaya Rusiyadan kapital axını əhəmiyyətli dərəcədə artıb. Bir neçə il müddətində Britaniya Yunanıstan, İsrail, Koreya Xalq Respublikası və Yaxın Şərq ölkələrinin investorlarının maraq mərkəzindədir".