London Polis Təşkilatının rəhbəri Bernard Hoqan-Houv İŞİD terror təşkilatına qoşulmaq üçün Suriyaya getdiyi iddia edilən üç gənc qızın ailəsindən üzr istəyib.

Axar.az xəbər verir ki, terrorla mübarizə ilə bağlı keçirilən iclasda komissiya üzvlərinin suallarını cavablandıran Houv üzrünü belə ifadə edib: "Ailələrə görə çox üzgünük, qızlarını qorxunc şəkildə itirmələri çox pisdir. Ailələrə çatdırmalı olduğumuz məktubun onlara çatmadığına görə də təəssüf edirəm".

Qeyd edək ki, bir müddət əvvəl İŞİD-ə qoşulmaq üçün Suriyaya getdikləri iddia edilən gənc qızların ailələri ingilis polisini vacib bir məktubu birbaşa onlara çatdırmadıqları üçün səhlənkarlıqda günahlandırmışdı.