Enerji daşıyıcılarının qiymətləri azalsa da, müqavilə üzrə öhdəliklər saxlanılır.

Axar.az xəbər verir ki, bunu Rusiya Xarici İşlər naziri Sergey Lavrov deyib.

O, bunun Ermənistan və Belarusa da aid olduğunu və o müqavilələr imzalanan zaman qeyd edilən qiymətlərin bazar qiymətlərindən aşağı olduğunu bildirib.

Lavrov Moskvaya qaz qiymətlərinə yenidən baxılması barədə təkliflərin gəldiyini deyib:

“Əminəm ki, son zamanlar belarus və erməni dostlarımızın müraciətlərinə baxılması zamanı bizim müttəfiqlik münasibətlərimiz diqqətə alınır. Situasiyanın üç-dörd il əvvəlkinə tam zidd təşkil etdiyi dövrdə yəqin ki, bunu xatırlamaq doğru olmazdı”.

Lavrov qaz qiymətlərinə yenidən baxılması məsələsində məntiq gördüyünü, amma bu məsələdə sona qədər məntiqli olunması gərəkdiyini vurğulayıb:

“Ermənistan və Belarus üçün hazırda olan qiymət bazar qiymətindən iki-üç dəfə aşağı olanda bu, obyektiv reallıq kimi qəbul edilirdi. Heç kim bunun siyasət olduğunu demirdi. Hər kəs deyirdi ki, belə də olmalıdır”.