Rusların 84%-i iqtisadi böhrandan narahatdır.

Axar.az xəbər verir ki, bu nəticə Ümumrusiya İctimai Fikrin Tədqiqatı Mərkəzinin keçirdiyi sorğudan sonra ortaya çıxıb.

Sorğu 4 mərhələdə - martın ortasından aprelin ortasına kimi aparılıb. Nəticələr göstərib ki, rusların cəmiyyətdə narahatlıqları artmağa başlayıb.

Rəyi soruşulanların əksəriyyəti “Hazırda ən ağır günləri yaşayırıq”, “Hər şey qarşıdadır” kimi cavablar verib.

Respondentlərin 70 faizi çətinliklərin hələ qarşıda olduğunu, 14 faizi ən çətin dövrün indi olduğunu deyib.

Cəmi 3 faiz ölkədə heç bir böhranın olmadığını bildirib.