Çini vəhşi heyvanların satıldığı bazarları bağlamağa çağırırıq.

Axar.az xəbər verir ki, bunu ABŞ-ın Dövlət katibi Mayk Pompeo Ümumdünya Yer günü münasibətilə çıxışında deyib.

“Yer günündə Çin Xalq Respublikasını və digər ölkələri vəhşi heyvanların qanunsuz ticarətinə son qoymağa və insanların sağlamlığı üçün bu bazarları həmişəlik bağlamağa çağırırıq”, - Pompeo bildirib.

Dövlət katibinin sözlərinə görə, həmin bazarlar vəhşi heyvanların qanunsuz satış mərkəzidir və koronavirus pandemiyasının yaranmasında həlledici rol oynadılar:

“Bütün hökumətləri bizimlə birlikdə vəhşi heyvan ticarətilə mübarizə aparmağa və bu problemə son qoymağa çağırırıq”.