Ümumdünya Səhiyyə Təşkilatı (ÜST) yeni tip koronavirusun müalicəsi üçün tövsiyə olunan “Remdesivir” dərmanı ilə bağlı hesabat hazırlayıb.

Axar.az xəbər verir ki, hesabatda pandemiyanın müalicəsində “Remdesivir” dərmanının faydasının olmadığı vurğulanıb.

“Bu dərman 237 xəstə üzərində sınaqdan keçirilib. Sınaqdan sonra bəlli olub ki, dərman heç bir effekt vermir. Əksinə, yan təsirləri daha çoxdur. Buna görə də dərmanın sınaq prosesi dayandırılıb”,- hesabatda bildirilib.

Bir müddət sonra ÜST rəsmi saytından hesabatı “səhv oldu” deyə çıxarıb.

Məsələ ilə bağlı danışan ÜST-ün COVİD-19 üzrə sözçüsü Tarik Jasareviç bildirib ki, mütəxəssislər tərəfindən hazırlanan sənədin layihəsi ÜST-ə göndərilib:

“Lakin səhv aydınlaşdıqdan dərhal sonra məlumat çıxarılıb. Hesabata girişi digər mütəxəssislər baxdıqdan sonra təkrar açacağıq”.