Rusiyada son zamanlar küçədə səfil həyatı yaşayan insanların öldürülmə və orqanlarının satılması məsələsi gündəmə gəlib.

Axar.az əməkdaşına Rusiyada yaşayan və ali məktəblərin birində müəllimə çalışan Yevgeniya Leonidyevnanın verdiyi məlumata əsasən, son zamanlar Rusiyada bomjların öldürülməsi faktları çoxalıb. Yerli sakinlər iddia edir ki, bir qrup cinayətkar heç kəsə lazım olmayan, sahibsiz səfillərin orqanlarını satmaq üçün bu əmələ əl atır.

Sakinlərin dəfələrlə ədliyyə struktur və idarələrinə olunan müraciətlərinə baxmayaraq, aidiyyəti orqanlar bu məsələyə aydınlıq gətirməkdən boyun qaçırır.

Hiddətlənən dinc əhali "bu gün bomjlar öldürülür, sabah o biz ola bilərik" düşüncəsinə uyğun olaraq, ölkə başçısı V. Putinə müraciət ediblər. Müraciətə cavab rəsmi şəkildə bildirilməsə də, Putinin bu günlərdə dövlət televiziya kanallarından birində verdiyi açıqlama hər kəsi şoka salıb:

"Heç kəsə lazımsız səfil insanın cəmiyyətə zərər vuraraq, maneçilik törətməsi və ayaqlara dolaşaraq "sürünməyindənsə", bir neçə düşüncəli insanın sağalaraq həyata qayıtması önəmlidir. "Zibil" yığışdırılacaq, əvəzində ölkəyə yararlı insanlar qalacaq".