Nigeriya ordusu Zamfara əyalətində silahlı qruplaşmaya qarşı quru və havadan əməliyyat keçirib.

Axar.az xəbər verir ki, bu barədə Nigeriya Müdafiə naziri Con Enenşe bildirib.

O qeyd edib ki, əməliyyatlar çərçivəsində silahlı qruplaşmanın 89 üzvü məhv edilib, bir hissəsi isə yaralanaraq ərazidən qaçıb:

“Dəstə üzvləri tərəfindən girov tutulan 5 nəfər isə xilas edilib. Eyni zamanda, çox sayda silah-sursat ələ keçirilib”.

Qeyd edək ki, Zamfara əyalətində 4 ildir çobanlarla əkinçilər arasında qarşıdurma yaşanır. Bu illər ərzində 2 min nəfər həyatını itirib, minlərlə insan isə evlərini tərk etməyə məcbur olub.