Cari ildə Rusiya iqtisadiyyatında tənəzzül 8% olacaq.

Axar.az xəbər verir ki, bunu Rusiya Hesablamalar Palatasının sədri Aleksey Kudrin deyib.

“Beynəlxalq Valyuta Fondu bizdə tənəzzülün 5% olduğunu deyir, amma təkrar edirəm ki, biz dünya ilə sıx bağlıyıq. Ona görə də 7-8% azalma dəqiq orientasiya olardı. Bu iqtisadi tənəzzül 1990-cı illərin əvvəlindən bu yana rekord göstərici ola bilər və 2009-cu il böhranının (-7,8%) və 1998-ci il defoltunun göstəricilərini (-5,3%) üstələyə bilər. Böhrandan ən çox aviadaşıyıcılar, taksilər, restoranlar, xidmət sferası əziyyət çəkir. Ola bilsin ki, onlar bərpa edilsin, amma uzunmüddətli istifadə üçün nəzərdə tutulan bir çox mallara tələbat azalıb. Bu, artıq pikdir. Bu eniş piki adi böhran dövründən çoxdur”, – deyə o bildirib.

Kudrin Rusiyada həyat səviyyəsinin kəskin endiyini, yoxsul vətəndaşlara dövlətin qida yardımının tələb olunduğunu deyib.