Ermənistanın ikinci ən böyük partiyası olan Çiçəklənən Ermənistanın lideri Qagik Çarukyan tərəfdarı Sedrak Arustamyanın həbsindən çox qəzəblənib.

Axar.az xəbər verir ki, bu məlumatı “Qraparak” qəzeti yayıb.

Məlumata görə, o, Arustamyan ucbatından Nikol Paşinyana baş əymək fikrində deyil:

“Əslində Çarukyan hakimiyyətlə açıq qarşıdurmaya getmək istəmir, amma onun və komandasının səbri artıq tükənib. Xüsusilə, Çarukyanın bütün kommersiya müəssisələri ya bankrot olmaq ərəfəsindədir, ya da burada ixtisarlar aparılır. Çiçəklənən Ermənistan Partiyasında hökumətin iqtisadi böhrandan danışmağına rəğmən Çarukyana müəssisələrdə işə başlamağa, insanlara pul paylamağa izn verilməməsinə görə təəccüblənirlər”.