"Bölgədə aktiv döyüş əməliyyatlarının hazırlığını müşahidə edirik. Müharibə istənilən vaxt başlaya bilər".

Axar.az xəbər verir ki, bu sözləri Ukrayna Baş Qərargahının sabiq rəis müavini İbor Kabanenko bildirib.

"Düşünmürəm ki, bu hərbi hazırlıq bizdə qorxu yaratmaq üçün aparılır. Hücumun nə vaxt başlayacağını demək çətindir. Qruplaşmalar yaradılandan sonra müharibə başlayacaq, ancaq bu prosesin nə zaman bitəcəyini dəqiq deyə bilmərəm", - Kabanenko vurğulayıb.

Qeyd edək ki, ötən gün Anti-terror İdarə Mərkəzinin spikeri Andrey Lisenko da Donetsk və Mariupolda hərbi əməliyyatların aparıldığını bildirmişdi.