Avropa Birliyinə (AB) üzv 12 ölkədə uçuşları ləğv edilmiş insanların bilet pulunun geri qaytarılması ilə bağlı hazırlanan qaydalar təxirə salınıb.

Axar.az xəbər verir ki, bu barədə Fransa, Hollandiya, Belçika, Polşa, Yunanıstan, Portuqaliya, Bolqarıstan, Çexiya, İrlandiya, Latviya, Malta və Kipr AB Komissiyasına birgə məktub göndərib.

Məktubda epidemiyanın beynəlxalq nəqliyyata, o cümlədən hava nəqliyyatına misilsiz təsir göstərdiyi bildirilib.

Qeyd olunub ki, AB qanunvericiliyinə əsasən, bilet pulları vətəndaşlara ödənilməlidir, ancaq hava yolları şirkətləri ciddi şəkildə maliyyə qıtlığı ilə üz-üzə qalacaq.