Avropa Birliyinin (AB) turizm nazirləri pandemiyanın turizm sektoruna təsiri ilə bağlı videokonfrans keçirib.

Axar.az xəbər verir ki, Xorvatiyanın Turizm naziri Qari Kappelli AB-nin ortaq səyahət protokolu və “COVİD-19 pasportu” üzərində çalışdıqlarını açıqlayıb.

O bildirib ki, bu pasport səyahət etmək istəyən hər bir AB vətəndaşının virusla bağlı etibarlı testə sahib olduğunu göstərəcək.

Yunanıstan tərəfi isə bildirib ki, turist testdən öz ölkəsində keçməlidir:

“Tutaq ki, bir Almaniya vətəndaşı Yunanıstanı ziyarət etmək istəyirsə, bu test Almaniyada aparılmalıdır”.