Ukraynadakı konfliktə görə, Avropa və ABŞ da məsuliyyət daşıyır.

Axar.az xəbər verir ki, bunu ABŞ-ın keçmiş dövlət katibi Henri Kissencer Almaniyanın "Şpigel" qəzetinə verdiyi müsahibəsində deyib.

"Krım simptomdur, səbəb deyil. Bundan başqa Krım özündə xüsusi hadisə daşıyır. Ukrayna uzun müddət Rusiyanın tərkib hissəsi olub. Hər bir ölkənin sərhədlərini dəyişmək və başqa bir ölkənin ərazisini işğal etmək prinsipini tanımaq olmaz. Əgər Qərb səmimi olsa, o özünün buraxdığı səhvləri qəbul etməyə bilməz. Krımın birləşdirilməsi qlobal mübarizənin addımı deyil. Bu, Hitlerin Çexoslavakiyaya girməsi deyil", - Kissincer bildirib.

Onun sözlərinə görə, ABŞ və Avropa Ukrayna ilə Avropa Birliyi arasında iqtisadi münasibətlərlə bağlı danışıqlara başlayanda bunun nəticəsini başa düşmədilər:

"Bütün bu məsələlər və onların nəticəsi Rusiya ilə dialoqun başlanmasının predmeti olmalı idi. Amma bu o demək deyil ki, Rusiyanın reaksiyası düzgün idi".