Yuxarı

Şilderin anasından Kamran Əliyevə müraciət: Qatillər...

Ana səhifə Planet
12 Punto 14 Punto 16 Punto 18 Punto

Bakı şəhərinin Nərimanov rayonunda 21 yaşlı Vüsal Şilderin bir qrup şəxs tərəfindən qətlə yetirilməsindən 7 il ötür.

Axar.az Publika.az-a istinadən xəbər verir ki, Vüsalın qətlinin 7-ci ildönümündə onun Almaniyada yaşayan anası Mətanət Şilder yenicə Baş prokuror vəzifəsinə yeni təyin edilən Kamran Əliyevə müraciət edib. Feysbuk səhifəsindən müraciət yayan M.Şilder oğlunun qətli ilə bağlı işin yenidən araşdırılmasını xahiş edib:

“2013-cü ildə oğlum Vüsal Şilder Bakı şəhər Nərimanov rayonunda qabaqcadan əlbir olan bir qrup şəxs tərəfindən sifarişlə qətlə yetirildi. Günün-günorta çağı törədilən və açıq sifariş olduğunu hər kəsin bildiyi cinayəti prokurorluq və məhkəmə orqanları tam araşdırmadı və əsl günahkarlar hər kəsə məlum olsa da, məsuliyyətə cəlb edilmədi.

Bir ana kimi sizdən xahiş edirəm ki, bu işi nəzarətə götürəsiniz. Çünki Vüsal Şilderin ölümünə bütün Azərbaycan ağladı. Sizdən xahiş edirəm, cavan oğlumu qətlə yetirən cinayətkarların qanun qarşısında cavab verməsini təmin edəsiniz”.

Qeyd edək ki, V.Şilderin qətli ilə bağlı açılan cinayət işi əsasında Elman İsgəndərov və Seymur Talıbov adlı şəxslər cinayət məsuliyyətinə cəlb edilib. Məhkəmə hökmünə əsasən, E.İsgəndərov 15 il, S.Talıbov isə 2 il müddətinə azadlıqdan məhrum edilib. Lakin Vüsalın ailəsi onun münasibətdə olduğu qızın atası və qohumları tərəfindən sifarişlə qətlə yetirildiyini bildiriblər. M.Şilder Vüsalın və onunla münasibətdə olan Lalə adlı qızın telefonundakı mesajları və digər sübutları ictimailəşdirib.

Xatırladaq ki, 2013-cü ilin 2 may tarixində Ə.Rəcəbli küçəsində Almaniya vətəndaşı Vüsal Şilder aldığı iki bıçaq xəsarəti ilə xəstəxanaya aparılarkən yolda dünyasını dəyişib. Daxili İşlər Nazirliyinin Baş Cinayət Axtarış İdarəsi, Bakı Şəhər Baş Polis İdarəsinin Cinayət Axtarış İdarəsi, Nərimanov Rayon Polis İdarəsinin Cinayət axtarış şöbəsi, Nərimanov RPİ 18-ci Polis Bölməsi və Şabran Rayon Polis Şöbəsi əməkdaşlarının birgə keçirdiyi əməliyyat tədbirləri nəticəsində qətldə şübhəli bilinən Şabran rayon sakini, əvvəllər məhkum olunmuş Elman İsgəndərov və Seymur Talıbov saxlanılıb.

Almaniya vətəndaşı olan 21 yaşlı Vusal Şilder Adolf əslən azərbaycanlıdır. Belə ki, Almaniya vətəndaşı, “Mersedes” şirkətinin Azərbaycandakı nümayəndəsi Adolf Şilder Bakıda Azərbaycan vətəndaşı olan qadınla evlənib və onun oğlu Vüsalı övladlığa götürüb.

Tarix
2020.05.03 / 01:20
Müəllif
Axar.az
Şərhlər
Digər xəbərlər

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla