ABŞ-da martın 9-da 4 saatlıq beyin əməliyyatı keçirən İbrahim Tatlısəsin hələ də ayılmadığı və reanimasiyada olduğu barədə xəbər yayılıb.

Axar.az Haberler.com-a istinadla xəbər verir ki, əməliyyata girərkən ailəsində halallıq alan türk musiqisi imperatorunun vəziyyəti ağırdır. Həkimlər onun həyatı riski qaldığını etiraf ediblər.

Qeyd edək ki, az öncə İbrahim Tatlısəsin əməliyyatının uğurlu keçdiyi barədə açıqlamaya oğlu Əhməd Tatlısəs reaksiya vermişdi. O, atasının ağır əməliyyat çekirdiyini, hələ də reanimasiyada ağır durumda olduğunu bildirmiş və sosial şəbəkələrə istinadla, yanlış məlumat yayılmasından çəkinməyə çağırmışdı.