Yəmən Səudiyyə Ərəbistanı ilə tək sərhəd-keçid məntəqəsi olan “Əl-Vədia”nı açıb.

Axar.az xəbər verir ki, bu barədə Yəmən Xarici İşlər Nazirliyi məlumat yayıb.

Bildirilir ki, yeni tip koronavirusla mübarizə çərçivəsində sərhəd 1 ay öncə bağlanmışdı:

“Sərhəd-keçid məntəqəsi Səudiyyə Ərəbistanında qalan Yəmən vətəndaşlarının ölkəyə qayıda bilməsi üçün müvəqqəti olaraq açılıb. Bununla bağlı Yəmən Prezidenti Mənsur Hadi göstəriş verib”.

Qeyd edək ki, Yəmən 2014-cü ilin sentyabr ayından Səudiyyə Ərəbistanla yaşanan qarşıdurmaya görə digər sərhəd-keçid məntəqələrini bağlayıb. “Əl-Vədia” iki ölkə arasında tək sərhəd qapısı kimi fəaliyyət göstərirdi.