Avropanın Rusiya təcavüzünə cavab vermək üçün güclü rəhbərliyi yoxdur.

Axar.az xəbər verir ki, bunu Polşanın keçmiş prezidenti Lex Valensa verdiyi açıqlamasında deyib.

"Əgər Rusiya Polşaya və ya digər ölkəyə hücum etsə, çökəcək. Rusiya ilə bağlı nələrin baş verəcəyini mən görürəm. Düzdür, milyonlarla insan öləcək, ən yaxşısı bunun baş verməməsidir", - Valensa gələcək müharibə ssenarisini şərh edərkən deyib.

Keçmiş prezident hesab edir ki, Rusiya 30-50 il arxada qalır və dövlət strukturu keçmişdə qalan üsullarla idarə olunur:

"Putin inkişaf etmiş dünya ilə müharibəyə başladı. Razılaşmaları, təminatları dağıtdı. Dünya bunu elə belə qoymayacaq. Əgər nəsə etmək mümkün olmasa, onda ancaq güc tətbiqi qalır".