Türkiyənin Baş naziri Əhməd Davudoğlu AKP-nin qrup toplantısında maraqlı açıqlamalar verib.

Axar.az Türkiyə mətbuatına istinadən xəbər verir ki, ABŞ-ın Əsəd rejimi ilə müzakirələrə başlaması mövzusuna münasibət bildirən baş nazir bunun bağışlanmayacağını bildirib:

"Bəzi ziddiyyətli fikirlər eşitdik. İnsanlıq vicdanını üsyana qaldıran səslər duyuruq Qərbdən. Güya Əsədlə müzakirələr olmalıdır. Bütün bu qırğınlardan sonra, qırmızı xətt deyə çəkdiyiniz kimyəvi silahlara baxmayaraq, Əsədin oturub əlini sıxsan, o sıxdığınız tarixdən silinməyəcək. Səddam, Hitler, yaxud Əsəd. Nə fərqi var? Hitler Polşaya girəndə səssiz qalmaqla döyüşə yol açmısınızsa, böyük ağrılar yaşanmışsa, bu gün Əsədin əlini sıxmaq istəyənlər Yaxın Şərqdə olacaq hər cür zülmün cəzasını çiyinlərində daşıyırlar".