Çin koronavirusdan əziyyət çəkən ölkələrə kompensasiyanı daha 2 milyard dollar artırmalıdır.

Axar.az xəbər verir ki, bu sözləri Ağ Evin yanında Milli Təhlükəsizlik Şurasının mətbuat xidmətinin rəhbəri Con Elliot deyib.

“Pandemiyanın mənbəyi olaraq Çin xüsusi məsuliyyət daşıyır və bu səbəbdən daha çox ödəməlidir”, - deyə amerikalı rəsmi bildirib.

Onun sözlərinə görə, ABŞ artıq pandemiya ilə mübarizədə dünya ölkələrinə 10 milyard dollar ayırıb.

Qeyd edək ki, Çin lideri 2 il ərzində dünya ölkələrinə koronaya görə 2 milyard dəstək göstəriləcəyini açıqlayıb.