"Rusiyanın İsveçdə xidmət edən diplomatlarının üçdə biri əslində, kəşfiyyat məlumatları toplayan rus casuslarıdır".

Axar.az xəbər verir ki, bu açıqlama ilə İsveç dövlət təhlükəsizlik xidmətinin (SAPO) baş analitiki Vilhelm Unge çıxış edib. O, Avropada yüzlərlə rus agentinin olduğunu bildirib:

"Rusiyanın İsveçdə xidmət edən diplomatlarının üçdə biri əslində, kəşfiyyat məlumatları toplayan rus casuslarıdır. Avropada yüzlərlə rus agenti var. Onlar hər gün ərazilərimizdə dolaşırlar. Rus agentləri yaxşı təhsil alıb və Sovet dövrünün casuslarından fərqlənirlər. Onları deportasiya etmək lazımdır, lakin bu barədə qərarı yalnız hökumətlər verə bilər".

Qeyd edək ki, İsveç təhlükəsizlik xidmətinin bu sözlərinə Rusiyanın Stokholmdakı səfirliyi hələlik cavab verməyib.